Rebecca 的故事

“係未經我嘅同意底下俾人見到啲相，唔係我想要嘅嘢。”

— Rebecca

通常，私影攝影師同埋model溝通嘅過程入面，佢會問「你可唔可以俾自己嘅作品相我睇下啊？」，咁我會俾一啲例如有著衫、時裝，或者尺度冇咁大嘅相俾佢睇。其中一個攝影師咁樣回應我：「其實我有睇過你俾人流出嘅相，你流出嘅相同你俾我嘅好唔同喔！」我嗰刻嘅感覺就覺得有啲價值受損，根本唔係我想展現嘅嘢，竟然有人可以係另外一種情況下睇到。嗰個感覺好唔同，係未經我嘅同意底下俾人見到，唔係我想要嘅嘢。

我印象中有一次有一組相係有包含我嘅IG個帳戶名，因為係嗰一組相流出咗之後嘅三個月內，大概有4到5個人去DM我IG，我有改過自己IG名，但係我發現冇用。我幾肯定有一組相包含我的個人資訊 …… 有人拎到呢啲相之後，去我嘅IG或者facebook direct我，同我講「小妹妹有影相wor，要唔要出黎同哥哥見下面呀」。