Candy 的故事
“受害人本身就係受害，你唔好再講呢件事鬧落去，唔關佢事㗎。”
俾人喺街上偷拍完之後，我覺得自己成為一件物品咁俾人去影，其實我唔想，唔知點解啲人係覺得OKAY就可以去隨便影我。我覺得佢哋（偷拍者）係會覺得 「我幻想咋嘛，唔需要你同意」。
如果同屋企人講，因為我屋企人係好傳統嗰啲，佢就會話 「肯定係你著短褲」啲人第一件事會評論「佢一定係著短褲喇」、「佢一定係著短裙喇」、「走光嘅話你咪著裙，著長啲囉，著褲囉，解決到㗎」……
受害人本身就係受害，你唔好再講呢件事鬧落去，唔關佢事㗎。有啲人話「你著晒罩袍咁咪得囉！」唔關事㗎，你包到咁都係有人影……可能除咗教人唔好偷拍之外， 都講話其實偷拍係同你著咩無關，你著到好似木乃伊咁…… 總會有人覺得值得影，總會有人覺得可以將佢嘅慾望擺上去，唔會因為你著得密實咗而去改變。
