我諗得啲人太美好、以為香港好安全

係琴日既事，我諗得啲人太美好、以為香港好安全，以為偷拍唔會出現係我身上。係巴士上車下層無位我就上左上層，已經發現比位著連帽外套既男大人望實，起初以為望下就算、發現對方十分頻繁偷望我。

直到我差唔多要落車，佢就擺好姿勢要偷拍我裙底，我以為我好醒目、拎手袋去擋。

到我落到下層，我企左係車門旁等埋站，點知個偷拍犯跟左落黎、坐係我對面位置。明目張膽除底帽、拎住手機對住我，因為我落車要經過佢前面先可以落車。

我當下覺得好驚好緊張、唔明點解有人會追到你咁，有諗過同車長講、但驚影響車長駕駛、周圍人又唔發現，當下思緒好亂又要落車。

所以就用手擋一擋裙就落車，我知道當下有好多方法求助或者擋裙，但原諒我當時思緒混亂、返到屋企個腦仲要不停諗，係味自己著太短裙、打扮得太靚？不停咁怪責自己、甚至失眠。